I Odda er dei snart klare for ei fengslande utgåve av Litteratursymposiet.
|
Kvar veke viser vi deg eit glimt frå ein av kommunane som er med i LNK. Denne veka: Odda 73 prosent av dei 6962 innbyggjarane Nytt frå Vindafjord: Fylkesrådmannen tilrår smedskule Aktuelle lenker: Odda kommune
|
I år er det ti år sidan starten på Litteratursymposiet i Odda, det blir markert med eit fengslande tema.
– Årets tema er fengsla, det kan vere i forhold til straff og kriminalitet, eller det å vere fengsla av kjærleik, natur eller kanskje fengsla av ordet, seier kultursjef i Odda kommune, Nina Kongtorp.
Litteratursymposiet i Odda blir arrangert 10. -14. oktober 2012.
Mange deltakarar på årets symposium er alt på plass. Blant dei som deltar for første gong er til dømes Linn Ullmann, Niels Fredrik Dahl, Tom Egeland, Cathrine Grøndahl, Ketil Bjørnstad, Johan Jönson og Maja Ratkje.
I tillegg kjem mange av dei kjende navna attende til symposiet, som Kjartan Fløgstad, Dag Solstad og Vigdis Hjorth, Pedro Carmona-Alvarez, Trond Espen Seim og Linda Eide og oddaforfattarar som Frode Grytten og Lars Ove Seljestad.
Kongtorp legg vekt på at litteratursymposiet har hatt ei rivande utvikling desse åra. Ikkje minst sidan Marit Eikemo tok over som festivalleiar.
– Då ho tok over vart profilen vår meir reindyrka, det var veldig bra og gjorde at me etterkvart har vist igjen, både nasjonalt og i nordisk samanheng, seier Kongtorp som meiner arrangementet er veldig viktig for Odda.
– Me er midt i ein vanskeleg periode med synkande folketal og ein langvarig strid om kva som skal skje rundt smelteverket og UNESCO-tittel. Symposiet er samlande og splittar ingen. Det treng me no, seier ho.
