Heim Nyhende – Dårlege råd

– Dårlege råd

Reklamebyrå må la vere å gi verksemder råd om at dei ikkje skal bruke nynorsk i marknadsføringa, meiner direktør i Språkrådet, Sylfest Lomheim.

Lomheim framhevar at nynorsk kan vere eit fortrinn i marknadsføringa.

– Nokre bedrifter har forstått at dei kan tene pengar på å skilje seg litt ut med språket. Det er positivt, seier han og nemner Lerum som eit godt døme på at det går an å satse på nynorsk profil og marknadsføring. Han viser også til at Lerum møtte skepsis i reklamebyrået sitt då dei ynskte å profilere produkta sine på nynorsk. Reklamebyrået meinte dette aldri kom til å gå, og at Dogndals-verksemda kunne risikere at kundane på Austlandet ikkje ville kjøpe produkta deira.

– Det viste seg jo å slå heilt feil. Reklamebyrå burde heller gi gode, kommersielle og økonomiske råd. Nynorskregionar må i alle fall profilere seg på nynorsk og ikkje gi ut brosjyrar på bokmål. Det skjer diverre det også, sukkar han.

Direktøren i Språkrådet meiner profilering på nynorsk kan vere ein god måte å skilje seg ut i marknaden på, og til å bygge opp ei sterk merkevare. Aller mest må verksemdene skjøne at nynorsk ikkje er eit tapsprosjekt økonomisk, men at dei derimot kan tene pengar på å marknadsføre seg på nynorsk, slår Lomheim fast.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...