Heim Nyhende Dei første språkkommunane peika ut

Dei første språkkommunane peika ut

Utdanningsdirektoratet har no peika ut 27 kommunar og fylkeskommunar i rundt om i heile landet som skal ha status som språkkommunar.

 

Sogn og Fjordane og Troms er dei fylka som får flest slike språkkommunar, høvesvis fire og fem. Blant dei store er Oslo og Trondheim med. Elles er utvalet godt spreidd på små og store kommunar over heile landet.

Språkkommunane er ein del av satsinga Språkløyper – den nasjonale strategien for språk, lesing og skriving 2016– 2019. I alt 48 kommunar og 4 fylkeskommunar søkte om å få bli med på satsinga – der målet er å styrkje språkmiljøet i barnehagen og gjere elevane betre til å lese og skrive.

– Språkkommunane blir viktige for å få ei samla satsing på språk, lesing og skriving frå barna byrjar i barnehagen til dei går ut av vidaregåande skule, seier kunnskapsminister Torbjørn Røe Isaksen (H).

Utdanningsdirektoratet har i utveljinga lagt vekt på at språkkommunane har klare mål for satsinga på språk, lesing og skriving i barnehagar, skular og vidaregåande skular. Regjeringa har sett av om lag 30 millionar kroner til opprettinga av språkkommunane i 2016.

Fakta: Språkkommunane

* Sogn og Fjordane: Fjaler, Gulen, Hyllestad og Sogn og Fjordane fylkeskommune

* Telemark: Telemark fylkeskommune

* Hordaland: Sveio

* Møre og Romsdal: Kristiansund og Sykkylven

* Buskerud: Hurum og Drammen

* Vestfold: Holmestrand og Vestfold fylkeskommune

* Nord-Trøndelag: Nærøy

* Sør-Trøndelag: Trondheim og Malvik

* Finnmark: Deanu gielda/Tana og Unjarga gielda/Nesseby

* Sør-Varanger: Hammerfest

* Oslo: Oslo

* Vest-Agder: Audnedal og Hægebostad

* Troms: Bardu, Dyrøy, Lavangen, Salangen og Målselv

(©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...