På initiativ frå SV har dei tidlegare raudgrøne regjeringspartnarane samla seg om ein invitasjon til eit medieforlik til alle partia på Stortinget, to dagar før statsbudsjettet skal leggjast fram.
Eit fleirtal på Stortinget vil ha nullmoms både på papir og på digitale medium. Både Ap, SV, Sp, KrF og Frp vil ha felles nullmoms. Venstre er open for å vurdera det.
I regjeringserklæringa er derimot Frp samd med Høgre om at det skal innførast ein felles lågmoms, og kulturministeren har varsla eit lågmomsforslag i statsbudsjettet som vert lagt fram 8. oktober.
– Mange aviser lever på kanten av stupet, bokstaveleg talt. Noreg har ein tradisjon for breie forlik når noko er særleg viktig. No er me der, seier SV-nestleiar Bård Vegar Solhjell til Aftenposten.
I sin politiske plattform har Solberg-regjeringa lova å «likestilla papiraviser og e-aviser» og etablera ein felles lågmoms. I dag er det momsfritak på papir, medan nettaviser har 25 prosent. (©NPK)
