Heim Nyhende Desse er nominerte til UPrisen

Desse er nominerte til UPrisen

Ungdomsjuryen har nominert fem bøker til UPrisen – Årets ungdomsbok.

Terje Torkildsen kan risikera å vinna UPrisen nok ein gong. UPrisen er den einaste litteraturprisen der ungdommen sjølv kårar vinnaren, skriv Framtida.no.

Edith Embla Frydenlund (15), Hou Jin Chan (15) og Ingrid Botslangen Frantzen (15) er med i juryen, og har sete i mange timar og diskutert seg fram til dei nominerte. Rett før jul fekk dei tilsendt 120 bokmeldingar av til saman 38 bøker som dei måtte lesa.

– Det var godt å få noko anna å lesa, noko som ikkje var pensum eller skulerelatert, seier Hou Jin til Framtida.no.

Dei fem bøkene skal no sendast ut til sju klassar som skal delta i juryen. I mai skal dei møtast i Lillehammer og stemma fram ein vinnar.

Dei fem nominerte er:

Den 4. parallell: Maria-eksperimentet av Kjetil Johnsen
Parallelle verder, kvantefysikk og livsfarlege løyndomar som kan utslette alt er verkelegheiten for 17-årige Emma og krigeren Caine. No står de ovanfor den verste fienden, og sanninga om den 4. parallell må avslørast.

Solstorm 1. Himmelslør av May Grethe Lerum

Ingenting er som før. Det er like før jul. Kulda har sete seg. Solstormen rammar. Butikkane stengast, banksystema sloknar. Sjukehus og fengsel bryt saman. “Solstorm 1. Himmelslør” er ein dramatisk og spanande ungdomsroman og den første i ein planlagd trilogi.

Mørketid av Åshild Moldskred

Kor godt kjenner ein eigentleg den beste venen sin? Dette spørsmålet rotar det skikkeleg til i livet til Åge. For når den smellvakre engelskvikaren har avslørt at bestevenen Runa drikk blod, blir alt snudd på hovudet. Runa kjem frå ein tradisjonsrik bloddrikkarfamilie på Oslos nedre vestkant, og Åge er ein motvillig synkronsvømmar og antihelt som gjev alt. Tvilen har vorte sådd, og Runa og Åge blir trukke inn i eit spel der ingen er det dei gjev seg ut for å vere.

Høsten av Jan Henrik Nielsen
Søstrene Nanna og Fride har i fleire år levd i ein bunker med faren, etter at ein mystisk sjukdom har ramma det meste av livet på jorda. Ein dag blir faren råka av sjukdomen, og jentene må forlate bunkeren og reise attende til byen dei budde i før, i håp om å finne medisin.

Dystopia III av Terje Torkildsen.
I den tredje boka i Dystopia-serien har 17-åringane Scott, Victor, Kristine og Deepika komme til Belgia. Utmatta etter vandringa gjennom det katastroferamma landskapet, finn dei til slutt ly i slottet til markien av Moulindam. Dystopia-serien er ein actionfylt spennande serie for utolmodige lesarar frå ca. 14 år og oppover. Boka er på nynorsk.

Vinnaren blir kunngjord torsdag 31. mai under Norsk Litteraturfestival på Lillehammer. Her kan du lese meir om UPrisen.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...