Styret i Nynorsk kultursentrum har gjort avtale med Per Magnus F. Sandsmark om at han går av som direktør med umiddelbar verknad. Styret vil ikkje kommentere saka ytterlegare.
Gaute Øvereng, som er administrasjonssjef i Nynorsk kultursentrum går inn som konstituert direktør fram til ny direktør er tilsett går det fram av ei pressemelding frå stiftinga.
– Når det gjeld bakgrunnen for avgjersla i styret har eg ikkje ønske av å gå nærmare inn på det, og heller ikkje innhaldet i avtalen, kommenterer styreleiar Reidar Sandal til NRK.
Nynorsk kultursentrum, musea for skriftkultur, arbeider for ein kulturell fellesskap der det språklege mangfaldet er sjølvsagt. Stiftinga eig og driv Haugesenteret og Poesifestivalen i Ulvik, Vinjesenteret og Litteraturdagane i Vinje og Aasentunet og Festspela i Ørsta. (©NPK)
