Staten har brukt 280 millionar kroner på å skape fleire arbeidsplassar i såkalla næringshagar i distrikta sidan tusenårsskiftet. Resultatet er 139 nye arbeidsplassar.
Kvar nye distriktsjobb som er skapt gjennom dei 53 næringshagane landet rundt, har dermed ein prislapp i snitt på 1,6 millionar kroner, skriv Aftenposten.
Då dei første næringshagane vart oppretta for ti år sidan, var meininga «å stimulere til utvikling av nye arbeidsplassar innafor kompetansebasert næringsverksemd distrikta». Hjelpemiddelet skulle vere å tilby kontor, breiband og annan infrastruktur under eitt tak.
Næringshagane har i dag 2.572 fleire tilsette enn for sju år sidan. Men Riksrevisjonen har påpeikt at trekkjer ein frå arbeidsplassar som allereie fanst, er det berre skapt 139 nye jobbar som kvar er støtta med 1,6 millionar kroner.
Både Næringsdepartementet og Kommunal- og regionaldepartementet forsvarer støtteordninga, men varslar betre oppfølging. (NPK)
