Heim Nyhende Duka for meiningsmålingar om kommunesamanslåing

Duka for meiningsmålingar om kommunesamanslåing

Kommunal- og moderniseringsdepartementet har no inngått ein rammeavtale med marknadsanalyseselskapet Opinion AS om å tilby kommunane hjelp med å gjennomføre innbyggjarundersøkingar i samband med kommunereforma.

 

Tilbodet er meint som eit alternativ og eit supplement til folkemøte og folkerøystingar om kommunesamanslåing. Kommunalminister Jan Tore Sanner (H) trur likevel ei slik meiningsmåling er den beste måten å få fram folkemeininga på.

– Vi trur innbyggjarundersøkingar vil gi kommunane eit betre avgjerdsgrunnlag enn det som er mogleg i ei rådgivande folkerøysting. Undersøkinga gjer det mogleg for innbyggjarane å fortelje kva dei meiner om velferdstenestene, og korleis desse blir påverka av ei kommunesamanslåing, seier Sanner.

Tilbodet om innbyggjarundersøkingar byggjer på ei rettleiande standardundersøking om kommunesamanslåing som departementet fekk laga tidlegare i år, og som kan tilpassast lokalt i tråd med dei kvalitetskrava departementet har sett.

Av rettleiinga går det fram at det i ei slik innbyggjarundersøking berre er eit tilfeldig utval av innbyggjarane som får seie si meining, i motsetning til i ei folkerøysting, der alle som har stemmerett, kan delta.

Dei som blir spurde, får på den andre sida høve til å gi meir nyanserte svar enn ja og nei til samanslåing når dei får ein telefon frå Opinion. Til dømes kan dei utdjupe i kva grad dei er negative eller positive til ei samanslåing, «svært» eller «ganske», går det fram av dokumentet “Høring av innbyggerne ved kommunesammenslåing. Gjennomføring av opinionsundersøkelse”. (©NPK)

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...