Heim Nyhende – Ivar Aasen fekk tillit i alle samfunnslag

– Ivar Aasen fekk tillit i alle samfunnslag

Gaute Øvereng, dagleg leiar ved Aasentunet, opna Dei nynorske festspela med å fortelje om tilliten Ivar Aasen fekk frå både fagmiljø og dei som snakka språket han ville dokumentere.

 

– Som fagmann var Ivar Aasen sjølvlært. Likevel blei han vist så stor tillit frå det ypparste fagmiljøet i Noreg at han fekk lage sin eigen forskingsplan for det nynorske skriftspråket. Men sjølv om Aasen blei vist stor tillit i fagmiljøet, måtte han også vinne tillit hos dei som snakka språket for at språkinnsamlingane han hadde gjort skulle bli vellykka, sa Øvereng under opninga.

Tillit til arbeidet

Temaet for Dei nynorske festspela 2015 er «Tillit». I opningstalen fortalde Øvereng om då språksamlaren Aasen fekk tilliten i Vitskapsselskapet i Trondheim i 1842. Etter lang ventetid fekk han svaret han ønskte, ei stadfesting på 150 spesidalar i året for å halde fram å undersøkje og tilverke dei norske dialektane leksikalsk og grammatisk. Korleis dette skulle bli gjort, overlét direksjonen i Vitskapsselskapet til Aasen sjølv å bestemme.

Øvereng fortalde at Aasen forstod at noko av det viktigaste han gjorde var å vise at han sjølv kom frå «deira eigen stand», og at han og måtte vere på ein stad der han fekk mange i tale for å få med breidda i språket.

– Aasen vann tillit i alle lag av samfunnet, og visste det var nødvendig. For oss er det like viktig at han hadde stor tillit til at språket hans var godt nok til å byggje eit skriftspråk på. Gjennom Dei nynorske festspela skal vi vise oss tilliten verdig, og løfte fram det språket som er bygt på vårt eige, avslutta Øvereng.

Språkfestivalen finn stad i Volda og Ørsta frå torsdag siste veka i juni kvart år. (©NPK)

Her kan du sjå programmet til Festspela!

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...