Heim Nyhende Ellevill nykomar nominert til Hedda

Ellevill nykomar nominert til Hedda

Kristoffer Olsen kom inn som eit frisk pust i norsk teater med sin elleville rolle i «The Book of Mormon» på Det Norske Teatret. No er han nominert til Hedda.

– Eg fekk sjokk første gong eg høyrde han. Han er så bra, sa regissør Vidar Magnussen då han presenterte den til då «heilt ukjente» Kristoffer Olsen frå Porsgrunn som ein av hovudrolleinnehavarane i Det Norske Teatrets storsatsing «The Book of Mormon». Magnussen kallar Olsen «ein komisk skatt», noko Heddajuryen synest å vere einig i.

Dei har nominert han til Hedda for beste mannlege skodespelar i ein hovudrolle. Olsen konkurrerer med Stig Amdam for rolla som André i «Far» på Den Nationale Scene i Bergen og Hermann Sabado for rolla som Prior i Nationaltheatrets maratonframsyning «Engler i Amerika».

Mange nominasjonar til Trondheim

Heddanominasjonane vart klare tysdag, og i alt vanka det fire Heddanominasjonar til «Book of Mormon», like mange som til Nationaltheatrets «Engler i Amerika». Begge oppsetjingar konkurrerer blant anna om den gjeve prisen for «årets framsyning ».

Det Norske Teatret og Trøndelag Teater toppar lista med åtte nominasjonar kvar. Trøndelag Teater har blant anna to av dei tre nominerte i klassa for beste kvinnelege skodespelar i ei hovudrolle. Ragne Grande er nominert for rolla som Laura Wingfield i «Glassmenasjeriet» og Kathrine Thorborg Johansen for rolla som Hedvig i «Vildanden».

Den tredje nominerte er Ingeborg Sundrehagen Raustøl for tittelrolla som Cally Monrad i «Cally» på Det Norske Teatret. Den nyskrivne framsyninga av Ruth Lillegraven handlar om Det Norske Teatrets einaste kvinnelege sjef, som var NS-medlem og vart sett inn som teatersjef på nynorskteateret av nazistane i 1942.

11 klassar

Blant dei nominerte i år er også ein av Noregs mest rutinerte skodespelarar, Bjørn Floberg (70). Han er nominert i klassa beste medspelar for rolla som Leonid Gájev i «Kirsebærhagen» på Nationaltheatret. Her konkurrerer han med Preben Hodneland for rolla som Eldste McKinley i «The Book of Mormon» og Jon Lockert Rohde for rolla som Jim i «Glassmenasjeriet» på Trøndelag Teater.

I klassa beste kvinnelege medspelar er Ingebjørg Kosmo nominert for rolla som abbedissa i «The Sound of Music» på Hålogaland Teater, Anne Krigsvoll for rolla som Astrid C og fleire i «Personer, stader og ting» på Nationaltheatret og Ågot Sendstad for fleire roller i «Engler i Amerika» – også det på Nationaltheatret.

Marit Moum Aune er også nominert for beste regi for «Engler i Amerika», mens det ikkje vanka nokon reginominasjon til Vidar Magnussen for knallsuksessen «The Book of Mormon». I denne klassa er dei to andre nominerte Johannes Holmen Dahl for «Glassmenasjeriet» på Trøndelag Teater og Kjersti Horn for «Valdens historie» på Det Norske Teatret.

Heddaprisen er norsk teaters høgste utmerking og blir i år delt ut for 21. gong. I alt er det nominert i 11 klasser. I tillegg blir det vanlegvis delt ut ein heiderspris, der det ikkje er nokon nominerte.

Prisane i år blir delte ut på Oslo Nye Teater søndag 17. juni. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...

Gratis nettseminar: Korleis kan me hindra språkbyte i vidaregåande skule?

Torsdag 23. mars arrangerer Nynorsksenteret eit gratis nettseminar om korleis ein kan hindra at elevar skiftar frå nynorsk til bokmål. Molde vidaregåande har teke nokre...

Inviterer til å tolke Dolly og Johnny på nynorsk eller dialekt

Dolly Parton og Johnny Cash på nynorsk eller dialekt. No blir ein ny gjendiktingskonkurranse kunngjort. Inspirert av suksessen med å be om slike tolkingar av...

Fleirtal for nynorsk i Telemarkskommune

Etter ei rådgivande folkerøysting i Hjartdal går eit fleirtal inn for å behalde nynorsk som hovudmål på offentleg skule i kommunen. Nynorsk fekk 189 stemmer,...