Erik Ulfsby (39) er tilsett som teatersjef ved Det Norske Teatret. Han byrjar i stillinga 1. januar 2011.
I innstillinga frå styret heiter det at “Erik Ulfsby framstår som ein fagleg sterk kandidat med stort engasjement og sterk motivasjon. Han har lagt fram ein kunstnarleg visjon som vi meiner vil utvikle teatret i positiv retning. Tilsetjingsutvalet meiner at han er den søkjaren som best vil fylle teaterhuset med kvalitetsmessige gode framsyningar”, skriv nm.no
– Eg ser fram til å få jobbe saman med alle dei fantastiske menneska på Det Norske Teatret. Saman skal vi peike ut vegen vidare for teatret, seier Ulfsby til nettstaden.
Erik Ulfsby er i dag ein ettertrakta regissør og står blant anna bak oppsetjingar som Isslottet, Jungelboka og no sist Jesus Christ Superstar på Det Norske Teatret.
Les meir på nm.no
