Heim Nyhende Etterlyser kompetente musikklærarar

Etterlyser kompetente musikklærarar

 Leiar i Musikernes Fellesorganisasjon er uroa for kvaliteten på musikkundervisninga.

 

Leiar i Musikernes Fellesorganisasjon er uroa over at berre halvparten av musikklærarane har fagleg fordjuping i musikk. Illustrasjonsfoto: Colourbox

– Halvparten av lærarane i musikk har inga fagleg fordjuping i faget, seier leiar Hans Ole Rian i Musikernes Fellesorganisasjon.

Han er uroleg for kvaliteten på musikkundervisninga.

– Dei som har fagleg bakgrunn er dei eldre lærarane, og færre og færre i den yngste generasjonen satsar på fordjuping i musikk, seier han til Vårt Land.

Han fryktar difor at situasjonen vil bli endå verre om nokre år.

LES OGSÅ: Sender musikalske landeplager til regjeringa

Tal avisa har henta inn, viser at berre 41 prosent av dei yngste lærarane har studiepoeng i musikk.

Rian meiner PISA-undersøkingane fører til at fag som er lette å måla blir prioriterte på kostnad av estetiske fag. Det vil til dømes seia fag som matte og norsk.

Det meiner han er svært uheldig. Han oppmodar foreldre til å stilla krav til skulen også i dei estetiske faga.

Vårt Land har også kontakta Kunnskapsdepartementet om saka. Departementet viser til at dei har sett i gang ei nasjonal satsing på vidareutdanning i norsk, matte og engelsk, og meiner dette vil gje kommunane større rom til å prioritera å byggja kompetansen til lærarane i andre fag.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...