Heim Nyhende Falturiltu feirar ti år – med kjærleik som raud tråd

Falturiltu feirar ti år – med kjærleik som raud tråd

Bjørn Sortland, Tore Renberg, Selma Lønning Aarø, Sigrid Moldestad og Daniel Kvammen er blant toppnamna når Falturiltu – verdas einaste nynorske barnebokfestival – fyller ti år!

 

Falturiltu er den einaste nynorske barne- og ungdomsbokfestivalen i Noreg – og samstundes den største barnebokfestivalen i Noreg. I fjor sette Falturiltu rekord med 5700 publikummarar.

Festivalforfattar Bjørn Sortland vil vera tilstades under heile festivalen, 5.-12. november, og det er hans tekstar som har vore inspirasjon til temaet kjærleik, som er den raude tråden i årets festivalprogram.

Sortland blir blant anna å treffa på den store opningsframsyninga, søndag 6. november, der Sigrid Moldestad også framfører nokre av sine vakraste kjærleikssongar i unikt samarbeid med songarar og dansarar frå Stord kulturskule. Det blir utstilling med eit utval bilde frå Sortland sine biletbøker, av illustratørane Øyvind Torseter og Hilde Kramer, ein kan gå spanande opplevingsløype på HSH i Jakta på forteljinga, torsdag 10. november blir det stemnemøte mellom Olaug Nilssen og Bjørn Sortland på Sunnhordland museum, og fredag 11. november er Sortland og Daniel Kvammen gjester i Finn Tokvam sitt musikalsk-litterære show Folk & Finn. Arrangementet 3 forfattarar og 1 band engasjerer også i år alle dei tre ungdomsskulane på øya, og denne gongen er det Ingelin Røssland, Terje Torkildsen og Bjørn Sortland som blir bokbada av elevane.

For vaksne og unge

Tore Renberg kjem med sin første roman på nynorsk denne hausten, og tysdag 8. november tek han med seg boka og gitarist Alexander Flotve til HSH på Rommetveit. Dette arrangementet passar for både vaksne og unge, og det gjer også forestillinga Fortvila kreps på turne, der me blir tekne med på ei reise tilbake til åttitalet med Selma Lønning Aarø og Trio Vest. Kvartetten turnerer sju bibliotek i Sunnhordland.

Om ein vil røra seg litt kan ein både gå Dustefjerturiltur i Vidsteenparken saman med Barnas turlag og Rune Belsvik, få trent skotfoten på Ballturiltu, bok- og fotballfest, dansa seg sveitt på Katturiltu, bok- og kattefest, eller gjera ville påfunn saman med Mamma Blekksprut på Spinae Company.

Mange involverte

Elevar ved Stord kulturskule er involverte i ei rekke arrangement, og dei  kjem i tillegg med oppfølgaren til suksessoppsetjinga Måneskinnsoldaten frå 2014.

Ragnar Hovland, Atle Hansen, Hans Sande, Trio Hest mfl. blir å treffa under tittelen Vaksne menn til hest, på Osvald pub, laurdag. Hovland og Sande vitjar også LivOGLyst sitt familiearrangement på Litlabø tidlegare same dag.

Tradisjonen tru, blir det også fagleg seminar på Høgskulen Stord/Haugesund, avd. Rommetveit, i år utvida til to dagar, der fredagen har særleg fokus på formidling til dei yngste borna. Dette er ei retteleg gåvepakke for lærarar, bibliotekarar og andre litteraturformidlarar.

Frå debutantar til veteranar

Per Olav Kaldestad og Hilde Kramer besøker alle tredjeklassingane på Stord, med den siste biletboka si Dronninga kallar. I tillegg blir det ei lang rekke forfattarbesøk og -samtalar både i barnehagar, biliotek og på skular med bl.a Ruth Lillegraven, Rune Belsvik, Anders Totland, Ragnar Hovland, Per Olav Kaldestad,  Anna R. Folkestad, Per Jan Ingebrigsten, Atle Hansen og Hans Sande. Dei eldste får også barne- og ungdomsbokforfattarar på besøk, i samarbeid med Den kulturelle spaserstokken, både debutanten Anders Totland og Oskar Stein Bjørlykke.

Veka blir avslutta med spenstig forteljarkunst og drivande jazz med Agnes Ravatn og Christina Bjordal, i Bømlo kulturhus. Dette er eit samarbeid mellom Falturiltu, Bømlo kommune og Bømlo folkebibliotek.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...