Heim Nyhende LNK spår uro utan nynorsk i Vestlandsregionen

LNK spår uro utan nynorsk i Vestlandsregionen

Nynorskkommunane spår mykje uro dersom det blir konkludert med at Vestlandsregionen skal gå vekk frå nynorsk som administrasjonsspråk.

– Først og fremst er eg glad for at det er semje om ein stor Vestlandsregion. Ideelt sett burde Møre og Romsdal og ha vore med, men eg ser jo at avstandar gjer dette vanskeleg. Noreg er kanskje det mest sentralstyrte landet i Europa, og det å få ein region sterk nok til å bli ei reell motmakt til Oslo er viktig, seier Vidar Høviskeland, dagleg leiar i Landssamanslutninga av nynorskkommunar (LNK).

– Eg er overraska og skuffa over at dei som har forhandla fram avtalen har landa på at den nye regionen ikkje skal ha nynorsk som administrasjonsspråk, men eg vel å tolka dette som ein førebels konklusjon. Dersom dette punktet ikkje blir endra, spår eg at det vert mykje uro rundt avtalen både i politiske forum, i organisasjonslivet og mellom folk flest.

67 av kommunane i den eventuelle storregionen vil vera nynorskkommunar, medan berre 3 vil vera bokmålskommunar og 15 har vedtak om at dei er språkleg nøytrale.

– Kommunalkomiteen har bedd LNK passa på at kommune- og regionreforma ikkje får uheldige følgjer for nynorsk, og så langt har det ikkje skjedd så mykje på dette området. Men dersom reforma fører til at nokre av dei sterkaste nynorskområda i landet går frå nynorsk til språknøytralt, er dette ei så stor kulturpolitisk endring at Stortinget bør vurdera å gripa inn.

– Eg reagerer òg sterkt på at fylkesordføraren for mellom anna kommunane på Haugalandet, Ryfylke og Jæren uttalar til media at ho ikkje synest det er naturleg med nynorsk i Rogaland.

– Men eg håpar og trur i det lengste at den politiske prosessen framover vil retta opp dette, avsluttar Vidar Høviskeland.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...