Resultatet av skulemålsrøystinga i Hol kommune er klart: Det blir framleis nynorsk i Holet skulekrins.
Den rådgjevande språkrøystinga etterlét ingen tvil:
124 stemte for nynorsk medan bokmål fekk 58 røyster. 182 personar gav sin stemme i løpet av dei tre dagane stemmelokala var opne, men med 595 røysteføre i krinsen var valdeltakinga lågare enn ved andre val. Likevel: Det blir altså nynorsk også dei neste åra i Holet skulekrins, melder avisa Hallingdølen.
