Heim Nyhende Flinkare på skulen med nynorsk

Flinkare på skulen med nynorsk

Ny forsking peikar på at nynorskbruken kan vere grunnen til at elevar i Sogn og Fjordane er dei flinkaste i landet.

Dei fire siste åra har elevar som går ut av grunnskulen i Sogn og Fjordane hatt det høgaste snittet i Noreg.

I tillegg til dette har fylket i fleire år toppa resultatlistene over dei nasjonale prøvane. Dei gjer det jamt over godt i både lesing, rekning og engelsk.

No meiner forskarar at nynorskbruken er ein viktig suksessfaktor, melder NRK Sogn og Fjordane.

LES OGSÅ: Sogn og Fjordane har dei flinkaste elevane

Mysteriet Sogn og Fjordane
– Å lære seg to skriftspråk har tydelegvis ein bra effekt på skulearbeidet, seierGöran Söderlund ved Høgskulen i Sogn og Fjordane, til NRK.

Han er mellom dei som i dag legg fram dei første resultata frå forskingsprosjektet om kvifor elevar i Sogn og Fjordane skil seg så positiv ut.

Gjennom prosjektet Lærande regionar har tolv ulike forskingsgrupper har arbeidd med å samanlikna Sogn og Fjordane, Nord-Trøndelag, Aust-Agder og Oppland.

I tillegg til effekten av målformene, har dei sett på skilnadar i organisering av skulane, klasseromsundervisninga eller lærarane sin status, som kan forklara ein del av skilnadane mellom fylka.

LES OGSÅ: Kvifor er elevane i Sogn og Fjordane best?

Treningssak
Söderlund er ikkje i tvil om gevinsten av å meistre to målformer.

– Det betyr i alle fall at skuleborna har nytte av å halde oppe to språk. Då trenar ein hjernen, og trenar ein den mykje så lærer ein meir enn om ein trenar den lite, seier forskaren.

Rektor på Slåtten skule i Førde, Turid Hatlem, trur at resultata delvis kan forklarast på andre måtar:

– Det kan òg hende det har mykje med kulturen vår i Sogn og Fjordane, at skular framleis har høg status, folk som legg vekt på at ein skal jobbe med skule. Det kan vere mange ting som verkar inn, i tillegg til at vi har nynorsk som målform, seier Hatlem til NRK.no.

LES OGSÅ: – Smartare av nynorsk

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...