Heim Nyhende Folkelarm med sterkare nordisk profil

Folkelarm med sterkare nordisk profil

Folkemusikarar frå heile Norden står på scenen når bransjetreffet Folkelarm går av stabelen i Oslo 24.– 26. september i år.

 

 – Vi kan i år by på noko av det aller mest aktuelle og spennande som finst av folkemusikk i Norden, seier prosjektleiar Sigurd Reinton til Nynorsk pressekontor.

LES OGSÅ: – Folkemusikken fortener ei offentleg unnskyldning 

Han seier at Folkelarm alltid har vore oppteken av det nordiske, men at det er første gongen det nordiske samarbeidet pregar festivalen så mykje som i år. Dette går att både i samansetjinga av artistar og i andre delar av programmet.

– Vi har i år fleire nordiske artistar enn nokon gong med både finske, svenske og danske deltakarar, seier Reinton, og nemner mellom anna den svenske duoen Hazelius Hedin, det svenske bandet Skenet og finske Aallotar.

– Norske Ragnhild Furebotten er også svært kjend for mange, seier han.

Folkelarm er det største bransjetreffet for folkemusikk og folkedans i Norden. Treffet blir arrangert på Riksscenen i Oslo. Dei tre dagane Folkelarm går av stabelen byr arrangørane på eit tettpakka program med musikalske opplevingar, danseframsyningar og ei rekkje seminar.

LES OGSÅ: Barn av folkemusikken 

Nordisk folkemusikk ut i verda
I tillegg til prisutdelingar og kåring av «Årets folkemusikar», lanserer Folkelarm i år NordicFolk – eit nytt nordisk samarbeidsprosjekt for folkemusikarar på tvers av dei nordiske landegrensene.

– Dei nordiske tradisjonane har tette band, og nordiske folkemusikkutøvarar samarbeider godt på eit kunstnerisk plan. No er det på tide å ta samarbeidet eitt steg vidare og arbeida for å gjera kvarandre betre, skriv arrangørane om bakgrunnen for tiltaket.

Reinton har stor tru på prosjektet.

– Ei sameint nordisk satsing på eksport av folkemusikk vil verkeleg kunna skapa noko stort. Får vi på plass ein solid nordisk motorveg ut i verda, kan norsk folkemusikk bli ei av dei viktigaste musikkeksportvarene, seier prosjektleiaren for Folkelarm2015. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...