Heim Nyhende Gir bloggstipend til nynorskungdom

Gir bloggstipend til nynorskungdom

Sogn og Fjordane leitar etter unge nynorskbrukarar dei kan gi pengar til. Er det deg?

 

Sogn og Fjordane fylkeskommune lyser ut eit bloggstipend på 5000 kroner til ungdom mellom 15 og 27 år som likar å skriva og formidla på nynorsk. Det skriv fylkeskommunen på heimesidene sine.

Prosjektet heiter «Mine meiningar på mitt språk», og kjem som eit resultat av at Sogn og Fjordane fylkeskommune vart «Årets nynorskkommune» i 2012. Målet er å gjera unge nynorskbrukarar tryggare i språket sitt.

Stipendet er inspirert av kåringa av verdas beste nynorske blogg som Framtida.no stod bak i 2014, saman med Norsk Målungdom og Noregs Mållag.

Prøv deg òg på skrivekonkurransen vår: Kva skal me leva av i framtida?

Med stipendet kjem òg invitasjon til ei kurshelg i september, der deltakarane skal kunne læra av og inspirera kvarandre. Der er det mogleg å dela erfaringar om skriving, foto og marknadsføring med røynde fagfolk og bloggarar.

Det følgjer med nokre krav til stipendet, om du har lyst til å søka. Du må bu i Sogn og Fjordane, og vera mellom 15 og 27 år. Du forpliktar deg til å skriva tre blogginnlegg som skal publiserast på eigen blogg og hos fylkeskommunen, og du må vera med på kurset 12. og 13. september.

Vil du søka, kan du lesa meir hos fylkeskommunen sine sider.

I søknaden skal du mellom anna legga ved eit kort blogginnlegg om eit valfritt tema – kanskje finn du noko inspirasjon her!

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...

Krev Google-handling frå regjeringa

Mållaget, Nynorsksenteret og LNK stilte tydelege krav då dei møtte statssekretær i Kulturdepartementet denne veka.  – Me veit at fleire skular har google-maskiner og bruker...