Ordførar Harald Stakkestad (H) i Tysvær føreslår å gjere kommunen språknøytral.
Kommunen hadde ei tilsvarande sak oppe til behandling i 2005. Den gongen landa dei på å tillate at dei tilsette skulle kunne velje målform sjølv når det gjaldt den daglege korrespondansen kommunen fører. Men i vedtaket frå 2005 er det lagt til eit ekstra punkt som seier at nynorsk skal nyttast i størst mogleg grad i saksutgreiingar og til det som skal skrivast på internett og i skjema.
Ordføraren meiner no at dette gir kommunen liten fridom.
– Eg foreslår at me berre beheld punktet som seier at kommunen har nøytral målform i dagleg korrespondanse. Resten bør me stryke. Slik det er no, må saksbehandlarar få hjelp til å skrive på nynorsk. Det er alt anna enn effektivt å driva slik, seier Stakkestad til Tysvær Bygdeblad.
