Er det nye hus som skal sikre framtida i norsk kulturliv, spør Norsk kulturråd når dei inviterer til debattmøte i Oslo 13. mai.
I Fredrikstad, Kristiansand, Stjørdal, Kristiansund, Notodden og over heile landet blir det planlagt og bygd nye kulturhus. Etter litteraturhussuksessen i hovudstaden er det planar om å opne litteraturhus i mellom anna Bergen, Odda og Tromsø.
Nye hus er vel og bra, men kva skal vi fylle husa med? Kva skjer med biblioteka og dei ”gamle” kulturarenaene når nye hus er på plass? Kven skal kulturhuset vere til for?
Desse spørsmåla og endå fleire spørsmål skal inviterte representantar frå eksisterande og planlagte kultur- og litteraturhus, offentlege og private finansieringskjelder, bibliotekeigarar og –mynde og kulturaktørar prøve å finne svar på under debatten.
