På Nordmøre ynskjer ein å få fram verdien av den allsidige språkkulturen. I morgon blir det invitert til språkseminar i Sunndal.
Det er Sunndal Kultur 2013, Ålvundfjord og Ålvundeid Mållag som inviterer kommunar, næringslivet og media til eit seminar om språkkulturen i regionen.
Her kjem blant andre direktør ved Nynorsk Kultursentrum, Ottar Grepstad for å snakke om stoda for nynorsk skriftkultur. Grepstad kom nyleg ut med boka Draumen om målet, som er ei samling av årstalane han har hatt om det norske språket.
Skulemålskrivar Ingar Arnøy i Noregs Mållag skal snakke om fritt språkval er ein illusjon eller ikkje, rådgjevar i Språkrådet, Astrid M. Grov ser på tilstanden for nynorsken i kommune-Noreg og redaktør i Aura Avis, Lars Steinar Ansnes ser på kvifor det er er lite nynorsk i lokalavisa.
