Tidlegare sametingspresident Ole Henrik Magga, som no er språkprofessor ved Samisk høgskole i Kautokeino, er redd det samiske språket forsvinn viss Framstegspartiet får gjennomføre sin politikk.
Det er mellom anna Frps program som vil gjere samisk til eit valfritt sidemål Magga er bekymra for. Han seier dette vil kvele det samiske språket, og meiner samisk neppe vil overleve viss det forsvinn frå skulane.
Dette vil gi samiske folk ei kjensle av at språket deira ikkje har noka verdi, seier Magga til NRK Sámi Radio.
Hans J. Eriksen, som representerer Frp i sametinget er ikkje samd i at partiets politikk vil truge det samiske språket. Han seier partiet først og fremst er opptekne av å lære alle barn hovudspråket, altså norsk, for at dei ikkje skal bli taparar i skulen. Samstundes meiner han det er viktig å ta vare på og fremje det samiske språket.
