Denne veka er det full fres med Ekstremsportveko på Voss.
Ekstremsportveko har energiske ingrediensar: her blir paragliding, kiting, rafting, freeride og andre sportslege aktivitetar som utfordrar såvel tyngdekraft som tryggleik. Veko har ein musikalsk del i tillegg til den sportslege. Det blir konsertar med mellom andre Dum Dum Boys, Timbuktu og Jaa9 og OnklP.
For dei som vil ta det roligare, kan pilgrimsvandring vere eit alternativ. Frå laurdag til søndag blir det pilgrimsvandring langs den gamle pilgrimsleia mellom Suldal og Røldal. Stemnet er lagt til ei helg nær ”gamaljonsok”, som er den dagen pilegrimane i gamal tid valfarta til stavkyrkja i Røldal og det vidgjetne krusifikset som kunne gi lækjedom denne spesielle natta.
Meir om pilgrimsvandringa her.
Arrangementa er henta frå kulturkalenderen til Diktarvegen. Har du noko du vil melde inn her? Sjå på www.diktarvegen.no.
