Fylkesrådmann i Møre og Romsdal Ottar Brage Guttelvik vil halde på nynorsk som administrasjonsspråk i fylkeshuset, og i tillegg tilsetje ein språkvaskar.
Grunnen til at fylkesrådmannen vil tilsetje ein korrekturlesar er at fylkeskommunen har fleire tilsette som i utgangspunktet har bokmål som hovudmål, og fleire tilsette som kjem frå andre land, ifølgje Sunnmørsposten. Dette kan by på utfordringar og dessutan ha noko å seie for rekrutteringa, meiner Fylkesrådmannen. I innstillinga heiter det at også politikarane skal bruke den offisielle målforma til fylkeskommunen.
Eit fleirtal i fylkesutvalet har tidlegare gått inn for at administrasjonen førebur ei sak til fylkestinget om nøytral målform på fylkeshuset i Møre og Romsdal. Fylkesutvalet skal behandle saka 14. mars, fortel smp.no. (©NPK)
