– Som styreleiar i LNK er eg sjølvsagt glad for at Samlaget har fått støtte til si lettlestsatsing. Dette er ei særs viktig satsing for å følgja opp intensjonane i stortingsmeldinga Mål og meining.
Vidare synest eg det er bra at Nynorsk kultursentrum, og miljøet i Ulvik, har fått eit løft i dette budsjettframlegget. Det vil styrkja både Olav H. Hauge-senteret og Ulvik poesifestival, seier ordførar i Ullensvang herad, Solfrid Borge, til LNK.no.
– Den raudgrøne regjeringa har levert ei formidabel satsing på kultur i desse to periodane, og dette trur eg heile landet vil nyta godt av i åra som kjem. Men i eit slikt perspektiv må eg vel innrømma at eg er skuffa over at dei to tiltaka som eit samla nynorskmiljø prioriterte i 2014, nemleg Norsk Ordbok og ungdomssatsinga Framtida.no, ikkje fekk auka sine budsjett.
Men dette er jo ikkje det endelege budsjettet for 2014. Om nokre veker kjem tilleggsproposisjonen frå regjeringspartia. Først då får me eit endleeg svar på korleis kulturpolitikken vil sjå ut i 2014, seier Solfrid Borge i ein kommentar.
