Heim Nyhende Regjeringa støttar Olav H. Hauge-senteret

Regjeringa støttar Olav H. Hauge-senteret

Nynorsk kultursentrum får 17,4 millionar kroner i driftsmidlar i framlegget til statsbudsjett for 2014. I tillegg går regjeringa inn for å løyve 1,5 millionar kroner til den nye basisutstillinga ved Olav H. Hauge-senteret i Ulvik.

 

Prosjektmidlar til Vinjefondet og driftsmidlar til Allkunne er inkludert i løyvinga, som dermed aukar med 3,5 prosent frå 2013.

– Statsbudsjettet syner at regjeringa har tillit til det arbeidet Nynorsk kultursentrum gjer og gir oss handlingsrom. Det set vi pris på, seier styreleiar Reidar Sandal.

– Vi legg vekt på å gjere det vi seier vi skal gjere, og vere ein institusjon som både publikum og styresmakter kan stole på.


Midlar til basisutstilling i Hauge-senteret

I statsbudsjettet føreslår regjeringa Stoltenberg å løyve 1,5 millionar kroner til den nye basisutstillinga ved Hauge-senteret. Av eit samla utstillingsbudsjett på 4,5 millionar kroner har Nynorsk kultursentrum no om lag 3,5 millionar på plass.

– Planane våre for Hauge-senteret er ambisiøse. Løyvinga til basisutstillinga er viktig, og no vonar vi private samarbeidspartar, Hordaland fylkeskommune og Ulvik herad følgjer opp, seier Sandal.

Trygg drift for Aasen-tunet og Hauge-senteret
Nynorsk kultursentrum skaffar kvart år fleire millionar i marknadsinntekter. Løyvinga i statsbudsjettet gir høve til trygg drift vidare, men direktør Ottar Grepstad trur rammevilkåra kan bli noko stramare i 2014 enn i år for både Aasen-tunet og Hauge-senteret.

– Frå 2014 har Nynorsk kultursentrum også ansvaret for Ulvik poesifestival. Ulvik herad og vi har dei same høge ambisjonane for denne festivalen, og vi gjer no det vi kan for å følgje opp den avtalen vi har gjort med Ulvik herad, seier Ottar Grepstad.

Vinteren 2014 skal Språkåret 2013 avviklast. Den kostnaden blir dekt av dei prosjektmidlane Nynorsk kultursentrum har fått tidlegare. Prosjektrapporten for Språkåret 2013 blir lagd fram i mars 2014.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...