Nynorsk kultursentrum og ei eiga ordboksgruppe har foreslått å gi Universitetet i Bergen ansvaret for språksamlingane og Norsk ordbok. Det meiner UiB-rektoren er ein god idé.
Etter at Universitetet i Oslo i sommar sa frå seg ansvaret for Norsk ordbok og språksamlingane tok direktør for Nynorsk kultursentrum Ottar Grepstad initiativ til å danne ei ordboksgruppe med representantar frå mellom anna UiB, Høgskulen i Volda og Samlaget. Nyleg sende gruppa eit forslag til Kulturdepartementet der ansvaret for både ordboka og samlingane blir lagt til Universitetet i Bergen.
– Eg skjønar det slik at både språksamlingane og ordboka passar inn i fagprofilen miljøet ved UiB og HF har, og då synest eg at dette er ein utmerkt idé, seier rektor Dag Rune Olsen til På Høyden.
Alternativt har gruppa presentert er ei delt løysing, der UiB har ansvaret for språksamlingane og Høgskulen i Volda er ansvarlege for Norsk Ordbok. (©NPK)
