Nyleg lanserte Google nettsida Endagered Languages, kor ei har registrert og merkt i kart språk som er utryddingstruga.
Språka er graderte inn i fire kategoriar, alt etter kor truga dei er.: I faresona, truga, svært truga og fare ukjend. I Noreg har vi ifølgje Google to språk som er i kategorien truga: norsk teiknspråk og nordsamisk.
No vil Google at brukarar over heil verda skal laste opp tekst, bilde og lyd som kan vere med og dokumentere og ta vare på språka. På nettsida kan du lage deg ein konto og registrere prosjekta dine, laste opp videoar og gje uttrykk for meiningane dine.
– Å dokumentere dei over 3000 språka som nesten er utrydda, er eit viktig steg i å ta vare på kulturelle skilnader. Ved å samle uavhengig innsats frå heile verda, håper vi å gjere eit viktig framsteg i å konfrontere språkutryddinga.
Det seier prosjektleiarane Clara Rivera Rodriguez og Jason Rissman i en pressemelding, ifølgje VG.
