Knut Olav Åmås meiner mange sjefredaktørar må revurdere språkpolitikken i avisene.
Namn: Knut Olav Åmås
Alder: 44
Yrke: Kultur- og debattredaktør i Aftenposten
Brukar sommaren til? Arbeider for det meste. Tek meir ferie til hausten (ein månad i New York). Men får i sommar også tid til vestlandsturar og ei veke i fjella i Sveits.
Kva er ditt forhold til språk? Språket er den viktigaste arbeidsreiskapen min.
Kva meiner du blir nynorsken sin største utfordring framover? Å unngå å bli eit reint vestlands- og elitespråk.
Kva må til for at det skal bli meir nynorsk i dei største riksavisene? At sjefredaktørane i avisene revurderer språkpolitikken – det er nemleg ingen andre som kan ta slike avgjerdsler når det gjeld nynorsk skrive av dei tilsette i avisene. For spørsmålet har med policy-en i avisene å gjera. Når det gjeld nynorsk i kritikartiklar og debattinnlegg/kronikkar, er det annleis allereie i dag. Der har vi i Aften og Aftenposten hatt ein markant auke dei siste åra.
