Heim Nyhende Gratis teateroppleving på øyret – i samarbeid med dagsturhyttene 

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen. 

Skogsopplevingar er ein 20 minutt lang podkast som du høyrer på ute i naturen, og som verkeleg får deg til å oppleve både det du kan sjå og det du ikkje kan sjå. Det er ei teateroppleving på øyret – med naturen som scenografi. Du kan laste ned lydopplevinga eller strøyme den direkte, og du speler den av med mobilen og høyrer på den med høyretelefonar eller øyrepluggar.

— Skogsopplevingar passar som hand i hanske med det vi ønsker at dagsturhyttene skal vere. Heilt sidan vi fekk den litt ville ideen om dagsturhyttene i 2016, har vi hatt denne tanken om at dei skal vere mikrokulturhus ute i naturen, seier Atle Skrede, seniorrådgjevar i Vestland fylkeskommune og dagsturhyttenes far. 

Inne i desse mikrokulturhusa i det grøne er det allereie små bibliotek, og no kjem det også til å henge eit lite skilt med QR-kode, som du skannar med telefonen og som dirigerer deg vidare til nedlasting/strøyming av Skogsopplevingar. Så er det berre å ta på deg høyretelefonar og traske av garde i naturen. Du får beskjed om kva du skal gjere.  

— Skogsopplevingar er naturvern gjennom å auke merksemda og interessa for naturen. Naturvern utan moralisering, seier Atle Skrede.

Skogsopplevingar har premiere 9. juni og blir tilgjengeleg på alle dagsturhyttene i og utanfor fylket, i tillegg til på teaterets heimeside og der du høyrer podkast.

Marionn Aas Wie, marknadsrådgjevar på Teater Vestland, saman med dagsturhyttenes far, Atle Skrede i Vestland fylkeskommune. Foto: Heidi Hattestein, Teater Vestland

Ei gratis lydoppleving 

I teorien kan du høyre på Skogsopplevingar kvar som helst, men intensjonen er at du skal gjere det ute i skogen. Du kan søke deg til favorittplassen din i naturen, men du treng ikkje å gå lenger enn ut i hagen.

— Mange i Norge er glade i friluft. Å gå på tur i skogen og på fjellet er ifølge Statistisk sentralbyrå den mest populære friluftsaktiviteten. Skogsopplevingar gir folk høve til å ta med seg ei teateroppleving ut i naturen, seier teatersjef Cecilie Grydeland Lundsholt og held fram: 

— Teateropplevingar krev som regel at du må kjøpe billett og møte opp på ein bestemt stad til eit gitt klokkeslett. Med Skogsopplevingar tilbyr Teater Vestland ei gratis oppleving som du kan ta med deg ut på tur når det passer for deg, og som du kan lytte til igjen og igjen. Det er ei oppleving du har åleine her og no, men det er sjølvsagt ingenting i vegen for å gå saman med vener eller familie – og så kan de snakke om opplevinga etterpå, seier teatersjefen. 

Teaterfulness 

I tillegg til naturlydar vil publikum høyre stemmene til tre skodespelarar: Idun Losnegård, Kyrre Eikås Ottersen og Carina Furseth. Elisabet Topp har regi, og Eirik Havnes er lyddesignar og komponist. 

— På Vestlandet er vi jo opptatt av at turen skal ha eit mål, at vi skal nå toppen og nyte utsikta. Skogsopplevingar er nesten det motsette. Vi fokuserer på den store naturopplevinga, gjerne berre hundre meter frå vegen, og på å opne augneblinken. Kor stort kan vi gjere det som skjer akkurat her og no, spør regissør Elisabet Topp. 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...