Førebuing: Les side 8–29 av Rett og godt
Kva er nynorsk?
Nynorsk er éin av to måtar å skriftfeste det norske språket på. Ingen dialektar er «nynorske» eller «bokmålske», men somme ligg lingvistisk nærare den eine eller den andre normalen, noko dei ulike variantane av bergens-dialekten kan illustrere.
Nynorsk kan vera to ulike ting:
a) alt norsk språk etter den gammalnorske (fram til ca 1300) og mellomnorske (ca 1300–1537) perioden.
b) det eine av to moderne norske skriftspråk, til skilnad frå bokmål. Nynorsk har òg sin eigen skriftkultur, som er ei eiga grein av den norske skriftkulturen.
Nynorsk i Noreg
– Nynorsken byggjer på og samordnar dei norske dialektane
– Eit ungt og friskt skriftspråk, bygt på ein demokratisk grunntanke
– Eit svært godt utvikla litteraturspråk
Refleksjonsspørsmål:
1. Kva er ditt forhold til nynorsk?
2. Kor god er du i nynorsk?
3. Kva trur du skal til for at du blir god i nynorsk, og for at elevane dine skal få
lyst til å lære meir nynorsk?
Éin regel om nynorsk: Inkjekjønn fleirtal
Hannkjønn og hokjønn, ubestemt fleirtal,
endar på r, det er sikkert og visst.
Inkjekjønn omvendt; r-en er bannlyst,
hugsar du det, blir du meister til sist!
Oppgåve: Ta kartleggingsprøva på elevrom.sprakradet.no. Noter ned resultatet ditt, så
du kan sjekke framgangen din på slutten av kurset.
