Ottar Grepstad er ny styreleiar i Språkrådet.
– Eg er glad for at vi har fått på plass eit godt og kompetent styre for Språkrådet. Vi kjem no raskt til å lyse ut stillinga som direktør, seier kulturminister Anniken Huitfeldt (Ap) i ei pressemelding.
Ottar Grepstad er forfattar og direktør ved Nynorsk kultursentrum. Den største oppgåva til Grepstad og det nye styret blir no å finne ny direktør til Språkrådet.
– Vår jobb blir no å finne ein direktørkandidat med så brei støtte at statsråden vil følgje rådet frå oss. Eg veit ikkje kor lang tid det vil ta, seier Grepstad til NRK.
Tidlegare i haust trekte fleire styremedlemer, deriblant styreleiar Magni Øvrebotten seg i protest mot kulturminister Anniken Huitfeldt si avgjerdsle om ikkje å tilsetje retorikkprofessor Kjell Lars Berge som ny direktør i Språkrådet etter Sylfest Lomheim.
