Alt 15 år før den første fullstendige av Koranen var kommen på norsk, hadde bonden Einar Seim frå Kinn i Florø omsett den heilage boka til muslimane til nynorsk.
Einar Seim (1885– 1978) var både politikar og målmann, men mest kjend som den mest sjølvlærde bonden i Noreg, skriv Firda.
LES OGSÅ: Forbode å nemna svin og pølser
Nynorsk-Koranen frå 1965 dukka nyleg opp i ei kasse på loftet til barnebarnet til Seim, fortel avisa.
– Einar var sjølvlærd og utruleg kunnskapsrik, og særskild opptatt av språk, seier journalist og forfattar Magnus Helge Torvanger, som no jobbar med ein biografi om Seim.
Seim var dessutan genuint interessert i andre religionar. Arabist, forfattar og islam-forskar Nora Sunniva Eggen ved Universitetet i Oslo fortel til Firda at Seim truleg er den einaste som har omsett heile Koranen til nynorsk. Det er familien til Seim som har bøkene med omsetjinga, og som bestemmer kva som skal skje med dei.
