Meir enn tre av fire innvandrarbarn i Oslo er fødde i Noreg. Fleirtalet av dei klarer ikkje å følgje ein vanleg skuletime på norsk, og mange må ha spesialtilpassa undervisning.
Årsaka er at dei kan så dårleg norsk når dei byrjar på skulen at dei ikkje klarer å følgje ein vanleg klassetime. Førre skuleår gjaldt dette 13.000 barn, viser tal frå Utdanningsdirektoratet.
– Dei har ofte mangel på ord. Ordforrådet er prega av kvardagen til elevane, enten det dei pratar heime eller det dei tilfeldig høyrer andre stader dersom dei ikkje snakkar norsk heime, seier assisterande rektor Astrid Madsen på Mortensrud skole til NRK.
Samtidig viser tal NRK har fått tilgang til at minoritetselevar er i fleirtal på ein stor del av grunnskulane i Oslo. Ved 58 av Oslos 138 grunnskular utgjer minoritetselevar meir enn halvparten av elevane. Ved 24 av desse utgjer minoritetselevane meir enn to av tre elevar. (©NPK)
