Heim Nyhende Førstevalget.no i gong i dag

Førstevalget.no i gong i dag

I dag klokka 9 gjekk Mot til å meina-kampanjen Førstevalget.no “live” for første gong. Etter dei tragiske hendingane 22. juli er ennå ikkje alt på plass frå ungdomspartia si side, men ungdommar under 26 år kan frå i dag av gå inn og stemme på kandidatane og partia dei ønskjer.

Elise Heng Steen og Elise Løland i kjernegruppa Mot til å meina har saman med ideentreprenøren Melvær & Lien utarbeidd Førstevalget.no. Dette er ein Facebook-basert kampanje som skal få fleire ungdommar til å røyste.

– Vi må gjere det å røyste til ein vane tidleg, og då nyttar det ikkje å bruke tradisjonelle reklamekampanjar, sa Elise Heng Steen under presentasjonen av kampanjen Førstevalget.no på Mot til å meina-konferansen i Oslo i vår.

Førstevalget.no er basert på Facebook. Ein stad der 70 prosent av dei norske ungdommane i målgruppa for kampanjen er.

– Vi må bruke Facebook til noko positivt. Informasjon spreier seg lett på facebook gjennom lenkjer lagt ut av venner, sa Elise Løland i Oslo.

– Vi stoler meir på vennene våre enn på reklamekampanjar, la Elise Heng Steen til.

Sjølv om Førstevalget.no nå er oppe og går, manglar det litt informasjon frå ungdomspartia si side.

– Det er ein del som gjenstår, på grunn av det som skjedde i Oslo, fortel Silje Herget, som er tekstforfattar og rådgjevar i Melvær & Lien.

Om ei veke skal det meste vere på plass. Herget trur Førstevalget.no kjem til å fylle ei viktig rolle i valkampen.

– Ungdommane har vore veldig positive til dette, og eg er overtydd om at kampanjen kjem til å spreie seg, spesielt nå på grunn av det avlyste skulevalet. Det blir spennande å sjå kva parti som gjer det best, slår Herget fast.

– Vi har ei avtale med Startsiden om å få vise topp 10-plasseringa frå Førstevalget.no på Framtida.no, kan ho vidare fortelje. – Vi skal prøve å vere synlege i fleire kanalar. Nå er alt opp til ungdomspartia og ungdommane sjølve. Det er dei som skal vere med og spreie dette.

Førstevalget.no kan ungdommane finne sin kommune og sine kandidatar,finne ut kva parti som passar dei best ved å ta ein partitest, stemme sjølve og sjekke korleis dei ulike partia og kandidatane ligg an.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Ny opplæringslov heng ikkje med i tida

Framlegget til ny opplæringslov stiller krav om at skriveprogram i skulen skal fungera like godt på nynorsk og bokmål. Men kvifor er det framleis...

Mellom appar og bærbare skjermar heve nynorsken mista sin heim

Kunnskapsdepartementet er asfalten nynorske løvetannbarn må sprenge seg gjennom. Alle norske elevar har lenge hatt rett til læremiddel på eige språk, men tida der eit...

Velkommen til landsting og 30-årsjubileum for LNK!

Me har gleda av å invitera dykk til landsting, årsmøte og 30-årsjubileum i Landssamanslutninga av nynorskkommunar. I år vert landstinget halde på Quality Sogndal...

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...