Heim Nyhende Har delt ut 26 millionar til biblioteksutvikling

Har delt ut 26 millionar til biblioteksutvikling

Nasjonalbiblioteket har løyvd 26 millionar kroner til utviklingsprosjekt i 90 norske bibliotek, og fleire millionar er i kjømda.

 

Regjeringa auka i statsbudsjettet for 2015 stønaden til biblioteksutvikling med 20 millionar kroner til 48,5 millionar kroner som kjem frå speleoverskotet til Norsk Tipping. Det er Nasjonalbiblioteket som fordeler pengane.

No er altså 26 av millionane fordelte på 90 av biblioteka som har søkt om stønad til arbeid med tenesteutvikling, formidling og å gjera biblioteket til arena for læring, debatt og offentleg samtale.

– I handsaminga av søknadene har me sett at det går føre seg mykje spanande utviklingsarbeid i norske bibliotek. Dette vil bidra til å gje folket eit endå betre bibliotekstilbod, seier Svein Arne Tinnesand i Nasjonalbiblioteket.

Både store og små bibliotek har fått stønad til ulike prosjekt. Til dømes har Universitetsbiblioteket i Bergen fått 500.000 kroner til prosjektet Skeivt arkiv og kompetansesenter, som skal forvalta materiale som dokumenterer historia om lesbiske og homofile sin situasjon i Noreg. Odda bibliotek har på si side fått 40.000 kroner til prosjektet «Små føter inn i biblioteket» og Høyanger bibliotek har fått 75.000 kroner til prosjektet «Fortida for framtida» (©NPK).

Sjå lista over tildelingar her!

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...