På Firda vgs held elevane på nynorsken.
– Det er ein del av meg, eg vaks opp med det og er vant med å bruke det, seier Siri Kristiansen Byrkjedal til NRK Sogn og Fjordane .
Ei kartlegging som Noregs mållag har gjennomført viser at berre fem prosent av elevane ved Firda vgs ynskjer å byte målform, dei aller fleste vil halde på nynorsken.
– Det er naturleg å velje nynorsk, du er annleis om du vel bokmål, meiner Byrkjedal.
Trass i dette er situasjonen på landsbasis ein heilt anna. Der vel ein av tre bort nynorsken.
– Firda vidaregåande har lite skift, medan til dømes Valdres er i randsona med høgt skifte, seier informasjonskonsulent Hege Lothe i Noregs Mållag til NRK Sogn og Fjordane.
