Mariell Øyre, bloggaren bak den største nynorskbloggen i landet, er ein av seks bloggarar som er handplukka til den nye nettstaden Grayzine.no.
Øyre skal ikkje starte ny blogg, men flyttar Hjartesmil-bloggen med seg til Grayzine, melder firda.no. Dei fem som Hjartemsil skal leve saman med er: Maja Casablancas, Jostein Wålengen, Dead Fleurette, Synne RF, Sunniva Havstein.
Øyre har tidlegare fått Noregs Mållag sitt nynorskstipend på 50 000 kroner til bloggen sin, og ho seier til avisa at stipendet har gjort ho meir emdviten på at det ho gjer betyr noko for nokon.
– Nynorsken er svært viktig for identiteten min som bloggar, og eg trur ikkje hjartesmil kunne finnast på noko anna språk, seier bloggaren som i somar trakk seg frå eit intervju i Det Nye då dei nekta å trykke sitata hennar på nynorsk.
