Statsministerkandidat og Høgre-leiar Erna Solberg er kåra til den kvinna i Noreg som har mest makt og innverknad.
Knappe tre månader før stortingsvalet er det Høgre-leiaren som tronar øvst på lista til Kapital over «Norges 100 mektigste kvinner».
– Med kvar tredje veljar i ryggen er Solberg for tida den mest sannsynlege kandidaten til å overta som statsminister i haust, og ho har ein unik posisjon som ho brukar til å sette dagsorden i samfunnet, seier redaktør Vibeke Holth i Kapital.
Ho legg til at ikkje sidan stordomstida til Gro Harlem Brundtland 1980-talet har ei norsk kvinne hatt meir støtte i folket enn Høgre-leiaren har i dag. (©NPK)
