Når 99,9 prosent av stemme er talde opp, er frammøtet ved kommunevalet på 62,5 prosent. Det er den høgaste valdeltakinga sidan 1995, men slett ingen rekord.
Ein oversikt over valdeltakinga i Noreg frå 1945 og fram til no, viser at årets resultat er langt frå toppåret 1963, då 81 prosent av befolkninga møtte opp ved urnene. Gjennom etterkrigstida og heilt opp på 80-talet haldt valdeltakinga seg mellom 70 og 80 prosent, før den for første gong tippa under 70 i 1987.
Meir enn 100 000 potensielle veljarar har meldt seg inn i Facebook-arrangementet Rekordstor valgdeltakelse er mitt svar før valet, og seinast på fredag spådde valforskar Fran Aarebrot at frammøteprosenten ved dette valet ville bli kring 68 prosent.
