Kari Stais bok om Jakob og Neikob har blitt barne-tv. I kveld kan du sjå dei på NRK Super.
Det er Høydal Fjernsynsproduksjon som har laga animasjonsfilmen i samarbeid med Høgskulen i Volda og med midlar frå Forskingsrådet og Nynorsksenteret. Steinar Høydal i produksjonsselskapet seier dei ønskjer å produsere film og dataspel på nynorsk som ei motvekt til bokmålsdominansen i fjernsyn og spel for barn.
– Det er viktig for nynorsken at det ikkje blir berre bokmål på tv. For barn har NRK tradisjonelt hatt svært lite nynorsk og dialekt, sett vekk ifrå nokre programleiarar, seier han til Sunnmørsposten.
No driv dei og utviklar eit spel for barn som ligg på Nynorsksenteret sine heimesider. Sjølv om spelet ikkje er heilt ferdig, går det an å spele det, seier produsentane.
