Kjersti Kildahl har sagt opp stillinga si som dagleg leiar ved Olav H. Hauge-senteret.
Olav H. Hauge-senteret treng ny dagleg leiar etter at Kjersti Kildahl har valt å seie opp stillinga si i prøvetida.
Ho tok til 1. juni, og i samråd med direktør Ottar Grepstad fungerer ho som leiar fram til 7. september, heiter det i ei pressemelding.
– Prøvetida er der for at ein skal prøve ut. Med si robuste røynsle ville Kildahl hatt mykje å gi i denne stillinga, men no må vi berre godta denne avgjerda, seier Ottar Grepstad i Nynorsk kultursentrum.
Etter planen opnar Olav H. Hauge-senteret eit komplett publikumstilbod i mai 2014. I avgrensa format har senteret vore ope sidan sommaren 2011. Til Ulvik Poesifest presenterer Olav H. Hauge-senteret ei ny, lita utstilling.
– På denne måten gir vi noko attende til publikum alt før senteret er blitt det det skal vere, seier Grepstad.
