I desse dagar opnar ei digital Garborgløype på Jæren. Løypa skal lokka folk til å bli betre kjend med diktaren via mobilen.
– Nærmare 60 QR-kode-punkt er plassert ut i landskapet og inne i hus og kyrkje. Ved hjelp av ein smarttelefon eller nettbrett kan publikum sjå filmsnuttar eller høyra på lydspor frå meisterverk som Haugtussa og Fred, fortel Jærmuseet.
Det er museet som står bak den digitale formidlingsløypa der besøkjande også kan oppleva utdrag frå dagbøkene til Garborg og den sjølvbiografiske boka Knudaheibrev. (©NPK)
