Fem frå Bergens Tidende, tre frå VG: Terningane er kasta for “Få meg på, for faen”. I dag er det premiere for publikum.
Filmen Få meg på, for faen er basert på boka til Olaug Nilssen frå 2005, og den vart laga på Sand i Ryfylke i fjor. Filmen handlar om Alma på 15 år som går på ungdomsskulen og drøymer om å kome seg ut av bygda. Dessutan er ho alltid kåt, så kåt at ho somme gonger lurer på om ho er sjuk.
I går var det pressevising av filmen og den får gode omtalar. Filmpolitiet i P3 seier filmen er “søt, sjarmerende og burde kunne snakke til mange unge jenter og gutter” og gir den ternigkast fire. Ein femmer blir det frå Bergens Tidende som seier Få meg på, for faen er ei “vellukka skildring av gryande seksualitet i fjordlandskapet”. VG trillar terningen til ein trear og seier filmen er ei “temmeleg vinglete, lenge uklar, men definitivt sjarmerende historie”.
Filmen var representert på Tribeca filmfestival i New York tidlegare i år. Då fekk regissør Jannike Syrstad pris for beste manus.
I 2007 vart boka dramatisert på Det Norske Teatret.
