Heim Nyhende Vil ha gratis nynorskkurs for statstilsette og lærarar

Vil ha gratis nynorskkurs for statstilsette og lærarar

Noregs Mållag har i eit brev til Språkrådet bede om at dei skal ta initiativ til kursing i praktisk nynorsk for statstilsette og lærarar i grunnskule, vidaregåande skule og på høgskule.

 

Bakgrunnen er den nye nynorsknorma som har blitt lagt fram av Språkrådet.

 

– Skal vi styrke nynorsken i samfunnet generelt, og leggje eit godt grunnlag for den nye rettskrivinga, er det heilt avgjerande at språkbrukarar i det offentlege får betre kompetanse i nynorsk. Nå når ei ny norm truleg blir innført frå neste år, kan ein rekna med at mange i offentlege stillingar blir mindre villige til å bruke nynorsk, fordi dei er redde for at dei ikkje meistrar målforma, skriv mållaget til Språkrådet.

Noregs Mållag ber styret i Språkrådet å drøfte særskilt om den nye rettskrivinga kan vere eit godt høve til å gi store delar av samfunnet eit kompetanselyft i nynorsk.

– Vårt framlegg er at Språkrådet kan ta initiativ overfor departement og Storting til ei storstilt kursing i praktisk nynorsk for statstilsette og lærarar i grunnskule, vidaregåande skule og på høgskulenivå, slår dei fast.

– Alt i dag held Språkrådet nynorskkurs for statstilsette, men dette tilbodet måtte i så fall utvidast og intensiverast i eitt til to år. Truleg er det viktig at kurstilboda blir gratis, og at dei ulike etatane blir bedde om å senda flest mogleg på kurs. Dessutan er det viktig at deltakarane får oppfølging, til dømes tilbakemelding på innlevert arbeid, held mållaget fram.

Dei ønskjer at LNK også skal bli involverte i kursingsarbeidet.

– Gjennom å gi midlar til Landssamanslutninga av nynorskkommunar (LNK) er det òg muleg å nå ut til kommunalt tilsette, sidan LNK alt i dag held nynorskkurs for medlemmene sine.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...

Nynorsk og bokmål må inn i Grunnlova

Det er på høg tid å grunnlovfesta norsk som nasjonalt hovudspråk i Noreg og grunnlovfesta jamstillinga mellom bokmål og nynorsk. Den formelle likestillinga mellom bokmål...