Stadig fleire av oss vel elektronisk sjølvbetening i staden for å stå i kø på offentlege kontor.
Aldri før har ein elektronisk ID i Noreg hatt så mange brukarar som MinID. I løpet av sommaren lyder rekorden på 2,6 millionar, melder Difi.
Og det store antall brukere speglar ein stor auke i bruk av offenteige tenester på nettet. Totalt i år har vi logga oss inn til saman over 15 millioner gongar til ulike offentlege tenester, og det er meir enn i heile fjor til saman.
Hans Christian Holte i Direktoratet for forvaltning og IKT (Difi) er svært fornøgd med at så mange har byrja bruke ID-løysinga Min ID, som er ein føresetnad for å få bruke mange av dei offentlege tenestene elektronisk.
Han seier MinID gjer det lettare for folk å ha kontakt med det offentlege fordi vi slepp oppmøte og kø, og fordi vi slepp å styre med mange ulike innloggingsløysingar. Staten og kommunane sparar dessutan tid og pengar på automatisering av saksbehandling.
– I dag er det omlag 187 statsetatar, kommunar og fylkeskommunar som tilbyr folk nettenester med innlogging med MinID. Og vi jobbar stadig for å få fleire til å ta i bruk fellesløysinga, sier Hans Christian Holte.
Du kan finne skatteoppgjeret ditt, søke plass på skule, barnehage, SFO og kulturskule og motta tenester frå NAV via MinID, mellom anna. Ti kommunar har dessutan fått prøve førehandsrøysting via internett ved kommune- og fylkestingsvalet gjennom MinID. Ifølgje Kommunal- og regionaldepartementet er meir enn 80 prosent av stemmene i desse kommunane gitt over internett.
Det nye no er at MinID har fått selskap av to nye elektroniske ID-ar (e-ID) i ID-porten, som er namnet på innloggingsløysinga: e-ID på smartkort fra Buypass AS og e-ID på USB-pinne (”minnepinne”) fra Commfides. Etter første halvår er det registrert 362.000 smartkort fra Buypass med høgaste tryggleiksnivå. Commfides er førebels ikkje mykje brukt.
