Mediemållaget og leiar Berit Rekve inviterer no til Dei nynorske mediedagane. Dialektbruken i TV2, utdeling av Nynorsk redaktørpris 2009 og 40 – årsdagen til NPK er noko av innhaldet.
Meininga med Dei nynorske mediedagane er å skape ein møteplass for å fremje nynorsk i media. Mange organisasjonar i nynorsk-familien er med å arrangerer mediedagane. I år kan Mediemållaget blant anna by på nynorskkurs for journalistar, skrivekurs arrangert av Syn og Segn, debatt om dialektbruken i TV2 og konsert med Gabriel Fiflet, Sigrid Moldestad og Olav Tveitane. I tillegg skal blant anna Arne Hjeltnes snakke om nynorsk i den kommersielle verda.
Sentralt står også utdelinga av Nynorsk redaktørpris 2009. Føremålet med prisen er å heidra dei redaktørane som gjer ein ekstra innsats for nynorsk som mediespråk. I fjor var det Sjefredaktør Arne Sigurd Haugen, Nynorsk Pressekontor og sjefredaktør og administrerande direktør i Norsk Telegrambyrå, Pål Bjerketvedt som trakk det lengste strået. Prisen vart del ut første gong i 2004.
Les meir om Dei nynorske mediedagane.
