Dei nynorske mediedagane opnar i dag med kåseri av Ottar Grepstad og nynorskkurs for journalistar.
Biletkåseriet til Grepstad om avisene som utvida landet blir omtalt som ei illustrert forteljing om jag etter pengar, grenselaus idealisme og svik mot sine eigne. Det er Mediemållaget som arrangerer Dei nynorske mediedagane.
Her blir det i tillegg til kåseri frå Grepstad ein musikalsk premiere, festkåseri og utdeling av Nynorsk redaktørpris.
Dagfinn Nordbø skal halde festkåseriet medan det blir konsert av KorteBrok, ei utbrytargruppe frå hip-hoporkesteret Side Brok som skal spele sin aller fyrste konsert under Dei nynorske mediedagane. I tillegg blir det lansering av språkhandboka til Nynorsk Pressekontor.
