Frå januar til mai fekk kommunane inn 421,5 milliardar kroner i skatt. Dette er ein nedgang på 12,6 milliardar samanlikna med same periode i fjor.
Nedgangen heng i stor grad saman med ein reduksjon i skatteinntektene frå petroleumsverksemda. Særleg vart dette tydeleg i april månad, ifølgje SSB.
Det er også reduksjon i innbetalingar frå upersonlege skattytarar. I mai vart det isolert sett betalt inn 114,3 milliardar kroner i skatt. Dette er høgt samanlikna med dei tidlegare månadene i år, men er likevel ein nedgang på 2,8 milliardar kroner samanlikna med mai i fjor.
Dei største innbetalingane i mai 2014 kom frå personlege skattytarar med til saman 108,8 milliardar kroner. Av dette var 47,4 milliardar innbetalingar til folketrygda, 26,4 milliardar som fellesskatt til staten og 24,7 milliardar i kommuneskatt. (©NPK)
