Berre annankvar kommune i Rogaland har takka ja til å delta på kurs om ras- og flaumfare i fylket.
Noregs vassdrags- og energidirektorat (NVE) står bak kurset, og meiner alle kommunane ville lært mykje og hatt stor nytte av seminaret. Dei er ikkje heilt fornøgde med at berre 13 av 26 kommunar i fylket deltek på kurset.
– På grunn av klimaendringane vil alle kommunane i landet vere utsette for flaum- og rasfare i åra som kjem, seier regionleiar i NVE Sør Anne Cathrine Sverdrup til NRK.
Verken Strand eller Sauda, som begge erfarte at nedbør stengde vegane inn til kommunen sist månad, er blant dei 13 påmelde kommunane.
– Det blei berre slik. Det er reint praktiske grunnar til at vi ikkje deltek, seier plansjef Sven Norland i Strand kommune til NRK. (©NPK)
